“Bondia mkongwe duniani Muhammad Ali, 71, atakufa wakati wowote ule”. Ni maneno ya kaka
yake bondia huyo kutokana na hali aliyokuwa nayo. Inasemekana, Ali yu zofle
hali, mahtuti kitandani! Rahman Ali ameongeza kuwa Ali haongei na hawezi kumtambua
mtu yeyote. “Kama si miezi basi siku, Ali anaweza kututoka, tumwachie Mungu”,
alisema Rahman.
 |
| Muhammad Ali |
 |
| Rahman Ali |
Muhammad Ali alipatikana na ugonjwa wa Pakinson (kutetemeka mwili) mwaka
1984. Alionekana katika Olimpiki mwaka 1996 na mara ya mwisho 2012 huko London na
alikuwa dhaifu mno kiasi cha kusaidiwa na mkewe kutembea.
Rahman Ali anamtuhumu shemejie, mke wa Ali kwa
kutoruhusu ndugu wa Ali kumtembelea. “Mara ya mwisho ilikuwa July ndipo
niliongea na Ali, tena kupitia simu”, alifunguka Rahman.
 |
| Muhammad Ali na mkewe Lonnie |
Mke wa Muhammad Ali, Lonnie
amekataa kuzungumza lolote juu ya hali ya mumewe na tuhuma za Rahman.
